नेपालमा संघीय व्यवस्था लागू भईसकेपछि तत्कालिन गण्डकी प्रदेश सरकार, भूमि व्यवस्था, कृषि तथा सहकारी मन्त्रालय तथा हालको भूमि व्यवस्था, कृषि, सहकारी तथा गरिबी निवारण मन्त्रालय मातहतमा मनाङ जिल्ला कार्यक्षेत्र रही जिल्लाका चारवटै स्थानीय तहका जनताले सहज, सरल र सुलभ एवं प्रभावकारी ढंगले कृषि सेवा प्राप्त गर्न र कृषि सँग सम्बन्धित निकायहरुसँग सहज समन्वयका लगि औपचारिक रुपमा २०७७ साल चैत्र ६ गते मनाङ जिल्लाको चामेमा कृषि ज्ञान केन्द्र मनाङ स्थापना भएको हो l जैविक विविधताको धनी मनाङ जिल्लाको आर्थिक विकासको मेरुदण्डको रुपमा रहेको कृषि क्षेत्रलाई समय सापेक्ष नयाँ प्रविधिको माध्यमबाट आधुनिकीकरण र व्यवसायीकरण गरी समग्र जिल्लावासीको जीवनस्तरमा सुधार ल्याउनु यस कार्यालयको मुख्य जिम्मेवारी रहेको छ l यसमा केन्द्र, स्थानीय निकाय, कृषक, कृषक समूह, कृषि फर्म, कम्पनी, बुद्दिजीवि, समाजसेवी, सम्पूर्ण राजनैतिक दल, जिल्लास्थित संघसंस्थाहरु, कार्यालयहरुका साथै संचार कर्मीहरु सबैको सहकार्य र समन्वयको महत्वपूर्ण भूमिका रहन्छ ।